A Rubrica do Zu’ Turi
Catania-Foggia 0-0
Ascolta l’audio
VIDEO
Splati belli chini, e a diri ca u friddu trasi intra l’ossa. Ma chi sfuttuna, cu tanti belli sirati ca fici, n’accapitau una di bunaga e muccaturi.
Presenti i soliti, Ianu ca so confriccula, Pipuzzo e Melina, ca di Londra scinniu giustu pa pattita .
I squadri trasunu ndo’ campu e tutti a mannari vasunedda a De Zerbi, ca ndo’ 2006 ni puttau nda’ serie A.
Accumincia a pattita e cu ie’ gghiè s’aspetta u grandi Catania ca s’ammucca l’avvissari. Dopu un pocu di parapigghia i nostri parunu ‘ntrunati.
Possibbili? U mister abbia uci, ma nenti. Se u Foggia non signa è picchi nda’ difesa i dui do centru iettunu fora tutti i palluni.
Melina si menti a priari ca u primu tempu finissi rapido. L’abbitru a scuta e fisca. Appressu a iddu c’è u stadiu ca fisca pi na na fiura ca nuddu s’aspittava.
Ndo’ sicunnu tempu si parti co Catania ca, era ura, curri. Nza’ ma Dio si caperu i iucaturi co mister? Pari di si e a pattita pari iri megghiu. D’areri sentu Pippo ca ietta schigghi… ” pessi semu, nuddu tira?”.
Calil pari ca untisi. Era megghiu ca no scutava, sulu fischi pi iddu. Ma u Catania c’è e i carusi parunu arusbigghiati.
L’unicu addummisciutu arresta sulu Bastianoni ca stava pi arrialarci a pattita o Foggia. Ma u supecchiu, comu si rici, è comu o mancanti.
Fussi troppu tinta a cosa.
A pattita spiddiu e a vittoria u Catania falliu.
U Signuri unni viri e unni sviri. Ni resi na sirata fridda? Si, e macari un puntu, ca pi comu erunu cunzati i cosi è di cunfortu.
Beddu Catania unni si? Carusi stringiti i renti e turnati liuni, ca non vi vulemu accussì.
Dallo Stadio Angelo Massimino è tutto.
Pigghiatu di friddu u Zu’ Turi vi saluta, e dopo a canni di cavaddu si o cucca .
Foto tratta dal sito del Calcio Catania