A rubrica do zu’ Turi.
Sona a potta. E cu ie’? E’ Iano a pattita sta accuminciannu. Na bella gazzusa e via.
Primi minuti viri a Juve Stabia ca ioca megghiu picchi ci ficiru na iaggia a Nunzella, a usu era nu scimmiuni. Ma tiri nda’ potta nun si ni virunu.
I picciotti su misi boni ndo campu e pari tuttu tranquilli. Ma a tranquillu, comu si rici a Catania, u taccaru.
Tantu è ca ci scappa u gol di Contessa, ca veni lassatu sulu di spaccari a potta.
Ianu parra cu n’amicu e seppimu ca a difesa era a farisi fari na chilata di petrafenula pe picciriddi.
Mancu u tempu di pinsari ca Calil s’ammogghia a tutti e abbia nu bellu gol.
A stu puntu u Catania nesci a classi e pi na para di voti va a un pilu do gol.
U sicunnu tempu viri u Catania ca non ioca cchiu di tantu, e di picca voti ca si vo cerca u palluni u peddi senza putiri fari nenti pi signari.
Su ca testa nda’ l’aria. Certu ca i notizi ca a sta simana ricevunu ca a Juve Stabia era tutta astruppiata non vulissi ca ci fici trasiri nda testa e carusi ca iucavunu suli.
U Catania tira a usu ca u palluni trasi nda’ potta sulu.
Tuttu stava pi finiri, anzi ava finutu, ma Garufi fa na cosa di manicomiu, no na vota, du voti.
Peddi u palluni o centru campu e poi si peddi a maccatura di Bombagi ca travistutu di Pele’ castia u Catania.
Piccatu si puteva fari supecchiu. Do Santu Nuddu è tuttu. U Zu’ Turi si menti a bunaga e accumpagna a Iano.
Buona serata a tutti.
Foto tratta dal sito del Calcio Catania